La CR&S "VUN" la inventa una noeùva categoria de mòto: i "MISTOSTRETTO"*.
D'altra part per una mòto de concezion tùtta noeùva gh'è minga de stùpiss che qualsiasi altra categoria la vàga strèggia. Natùralment a l'è minga una sùpersportiva,l'è minga  una granturismo,nanca una sport-touring,che l'è una via de mèzz. Ma l'è nanca una custom. E anmò,per vèss una mònocilindrica l'è minga una enduro, nanca una sùpermotard,o una retro'. La podaria vèss una nake,ma anca quèsta definizion la và un poo strèggia, perchè i naked a hinn anca di   sùpersportiv senza carenadùra, o i stràdal de dù quintai e passa.
Mòto noeùva, categoria noeuva: a l'è inscì che la nàss la "MISTOSTRETTO". A gh'è pòcch de spiegà: domà una mòto inscì, leggera e facil de guidàla la pò fà gòd  l'appassionaa in di tràtt pién de cùrv.
Cùrv in sequenza, in una stràda de montagna,per spiegàss,de quèi che te pòrten a "piegà" decis,in armonia,con soddisfazion,ben s'intend senza andà foeùra di velocità accettabil, "stràdal",come quèi de una "pista cùrta" con velocità de media in sùl gir de 120 Km./h.

"Mistostretto": Nel gergo motociclistico una strada con una sequenza di curve strette e bruschi cambiamenti di dislivello.